Eldgosinu í Eyjafjallajökli mótmælt

Í dag verður farið í hópferð og eldgosinu í Eyjafjallajökli mótmælt.
Ástæðan er sú að eldgosið veldur ófyrirsjáanlegum spjöllum á helstu náttúruperlum landsins, svo sem Þórsmörk og Fimmvörðuhálsi.
Fararstjóri verður Ólafur F. Magnússon borgarfulltrúi sem er marg reyndur náttúruvinur.
Farið verður sem leið liggur upp að Einhyrningi og framinn gjörningur þar. Ólafur mun lesa upp magnað ákvæðisljóð sem hann hefur ort í tilefni fararinnar.
Þyrla verður til taks til þess að fólk fái að sjá gosið betur og náttúruspjöllin sem nú þegar hafa verið unnin. Notuð verður þyrla Magnúsar Kristinssonar útgerðarmanns en hann hefur góðfúslega lánað hana í þessum tilgangi.
Lagt verður af stað frá Umferðarmiðstöðinni stundvíslega kl. 12:50 og eru allir hjartanlega velkomnir.

Athugasemdir

[Gissur Jóhannesson (IP-tala skráð) 1.4.2010 kl. 10:16]

Er bara ekki nó að kreppa hnefana heima.                   þó Ólafur sé góður og geti og viti mikið þá held ég að hann ráði ekki við þetta sem er þarna niðri 

Þó Magnús hafi flogið fugla hæst á græðgis tímanum þá vona ég að honum sé farið að fatast flugið.       Sé svo ekki þá standa þau hvorki Jóhanna né Steingrímur sig nógu vel.